Jæja elskurnar mínar þá er ég komin með nýja síðu og slóðin er

http://www.rannslan.bloggar.is

Breytið linknum hjá ykkur kveðja Rannveig

Er í smá leti frá tölvunni þessa dagana og nenni ekki að blogga mikið í þessu yndislega veðri, kúturinn er nýbúinn að vera með hita og annað sem að fylgir tönnslunum þannig að ég er bara eins mikið úti þessa dagana og ég get og nenni ekki þessu tölvuveseni er líka hálftóm með færslur veit ekkert hvað ég á að skrifa, blogga þegar eitthvað dettur í kollinn á mér bið að heilsa Rannveig.

Aldrei hélt ég að það yrði að ég færi að taka tennur á sama tíma og barnið mitt!!!, en jú mín er að fá eitt stykki endajaxl með tilheyrandi óþægindum, og er hann sonur minn einnig að taka tennur og eru tvær komnar og ég held að það séu fleiri á leiðinni hann er að minnsta kosti búinn að vera með mikinn hita undanfarinn sólahring og ekki eins og hann á að vera, fór með hann til doksa í morgun og heldur hann bara að þetta sé tanntaka, það er allavega ekkert annað að honum. Ég hef alveg fulla samúð með syni mínum og er búin að vera frekar sloj og slöpp með honum og er að drepast í jaxlinum og leiðir þetta upp í eyra og fylgir þessu einnig mikill höfuðverkur! Mér finnst þetta bara fyndið því að ég átti nú ekki von á því að við færum að taka tennur á sama tíma, en svona er þetta bara þessir blessuðu endajaxlar láta bíða eftir sér og þarf ég síðan ábyggilega að láta rífa þá alla úr mér þar sem að ekkert pláss er fyrir þá í kjaftinum á mér!, en ekkert meira að frétta kveð í bili, tannálfurinn.

Fór að hugsa um daginn hvað lífið manns breytist þegar að maður fæðir eitt stykki lítið kríli, það tekur 180 gráðu beygju og meira til! Mér fannst alltaf svo fyndið þegar að fólk sagði við mann sem var komið með börn að maður ætti að njóta þess að gera það sem að maður vill áður en að maður kæmi með barn, en ég sagði bara ég tek nú bara krakkann þá með mér ef að ég þarf að fara eitthvað og ég hef ekkert látið það stoppa mig að fara eitt né neitt þó svo að ég eigi barn, hann er hluti af fjölskyldunni og kemur bara með manni, en hann fer nú reyndar ekki með manni í bíó eða á djamm eða eitthvað þvíumlíkt (ekki það að við höfum gert eitthvað mikið af því áður en að hann kom) og höfum við bara verið róleg í tíðinni síðan að Friðrik fæddist og erum við bara sátt við það, fannst reyndar fyndið um daginn þegar Gummi skrapp aðeins út og spurði hvort að ég vildi koma með og klukkan var orðin ellefu, þá hugsaði hann sig aðeins um og fattaði þá að Friðrik var sofandi uppí rúmi. En ég held að það sé besta tilfinning í heimi að vera foreldri, fyrstu fjórir mánuðirnir voru reyndar drulluerfiðir en þetta er allt þess virði þegar á hólminn er komið og myndi ég ekki vilja skipta á því fyrir nokkurn skapaðan hlut að vera mamma finnst það æðislegt og viss forréttindi því það eru ekki allir það heppnir að geta komið með nýtt lítið líf í þennan heim. En er hætt þessari væmni núna er bara svo ánægð með sólina og blíðuna að það dregur bara fram væmnina í mér kveð í bili, mamma Rannsla.

Já þið segið það leit á bloggið hjá mér í gær og þá voru 225 búnir að kíkja á síðuna en enginn var að hafa fyrir því að setja komment eða eitthvað???? En allir gluggar eru komnir í húsið og sér maður loksins út um alla gluggana í húsinu og hægt að opna öll lausafög í þeim líka, bara allt annað líf! En við Friðrik erum að fara í blíðunni að horfa á Grindavík keppa á móti Fjarðarbyggð og er þetta leikur uppá líf og dauða og verða þeir að vinna þennan leik og hef ég mikla trú á mínum mönnum og ég held bara að þeir eigi eftir að vinna! En það fer að styttast í gest númer 15,000 á síðunni og hann sem verður númer 15,000 fær sleikjó í verðlaun frá mér En ætla að fara að gera okkur klár í bátana kveðja Rannslan

Ég held að ég hafi bara aldrei heyrt jafnmikla snilld frá íslenskri hljómsveit í textagerð og frumlegum hljóðfæraleik og frá ljótu hálvitunum! Við fengum þennan disk fyrir um 2 vikum síðan og hefur hann ekki stoppað í spilun síðan. Ég hélt að ég myndi pissa á mig úr hlátri þegar ég heyrði lagið stóri dagurinn, en ég þurfti samt að hlusta á allt lagið til að fatta það, síðan er raunarsaga úr fjölbýlishúsi þar sem að fölbleikur risi býr á 14 hæð í fölbleiku risi og á köflóttan kött með bólgur í brisi!, þvílík snilld, síðan er það sonur hafsins sem að vann sjómannalagakeppnina hjá rás 2 í ár og syngur hann Aggi frændi hans Gumma það lag, það var einmitt þannig sem að við uppgötvuðum þessa hljómsveit. Síðan er lagið ást ást ást þar sem að grút og lambaspörð bragðast sem kirsuberjaís á Tálknafirði!!!, og lagið bjór meiri bjór er tær snilld!, lagið mamma er líka nokkuð gott. Síðan syngja þeir nokkurn veginn faðir vorið og mörg fleiri snilldarlög eru á þessum disk, og er þetta 13 laga diskur sem að ég mæli hiklaust með og eins og ég segi er hann búinn að vera endalaust í spilun hjá okkur fjölskyldunni honum syni mínum til mikillar gleði Jæja ekki var það fleira í bili kveðja Rannslan!!!

Já kæru lesendur hann sonur minn er kominn með eitt stykki tönn hægra megin í neðri góm!, ég er ekkert smá ánægð með kútinn minn því að hann hefur verið með mikinn pirring undanfarið en sofið vel á næturnar! Við skruppum í afmælisveislu hjá Ölmu Þöll frænku og fór ég með skeið uppí hann og þá glamraði í gómnum og viti menn það var tannsla! Þá er eitt stykki komin og the rest to go!, tönnin fannst á afmælisdaginn hans Bjarna Þórs og er hann 15 ára gamall peyinn, en Friðrik ætlar að halda sig við það að koma á óvart á afmælisdögum því að hann fór að velta sér í hring á 80 ára afmæli langömmu Gerðu sinnar. Bið að heilsa í bili kveðja Rannslan.

p.s tannsla númer tvö er líka komin!

Litli kúturinn minn er að taka tennur og er hann frekar pirraður þessa dagana og mjög ólíkur sjálfum sér, það fylgir þessu víst líka niðurgangur sem að by the way ég hafði ekki hugmynd um og það þýðir rauður bossi og sviði í bossanum, við erum reyndar mjög dugleg að skipta reglulega á honum og þekja bossann á honum með kremi. Ég væri nú alveg til í að taka eitthvað af þessum sársauka og pirring frá honum því að hann er alveg bjargarlaus og getur auðvitað ekki sagt okkur hvar hann finnur til enn hann var með mikla magaverki í gær en borðaði samt vel, í gærkvöldi grét hann þessi lifandi ósköp og hef ég bara aldrei heyrt hann gráta svona mikið og var hann með ekka og flóð af tárum og lá við að ég færi að gráta með honum ég fann svo mikið til með honum blessaða skinninu, en ég vona bara að þetta fari að koma hjá honum gómurinn hans er a.m.k rosalega bólginn og bíð ég bara eftir því að það fari að glitta í tönn. EN hér á bæ eru allir gluggar komnir í að framan og er þetta barasta allt annað líf, við erum með dökkt gler þannig að það er ekki eins heitt í húsinu og það hefur alltaf verið og erum við rosalega sátt við gluggana og allt saman og "vinnumennirnir" stóðu sig með stakri prýði orðnir þrælvanir gluggaísetningum og hreinlega flugu gluggarnir upp á mettíma, hef bara aldrei vitað annað eins!!, það eru aðeins 4 gluggar eftir og 2 litlir og 2 svona meðalstórir þannig að þetta ætti að klárast um næstu helgi og eftir það bíðum við bara eftir því að útihurðarnar komi og þá verður húsið orðið nánast eins og nýtt!!! En allt er annars fínt í fréttum ekki hægt að kvarta í veðurblíðunni bið að heilsa, Rannslan.

Las góða grein í fréttablaðinu um daginn þar sem að blaðamaður skrifaði um snobb íslendinga, við erum rosalega snobbuð þjóð og er það frekar fyndið hvað við erum snobbuð þar sem að það eru ekki nema um 70-80 ár síðan við skriðum út úr moldarkofunum og átum svið og annað girnilegt. Það ríkir mikið menntasnobb á íslandi þar sem að þú ert ekki "inn" að margra mati ef að þú ert ekki með stúdentspróf og helst í háskóla eða með háskólagráðu, ok ég er alls EKKI að trasha þá sem að eru í háskóla eða eru hákólalærðir, en þannig nám er bara alls ekki fyrir alla, bæði kannski ekki peningalega og það hafa kannski ekki allir tilhneigingu til þess að fara í háskóla og finnst það alltof erfitt. Ég er með sveinspróf, það er mitt stúdentspróf og er ég alsæl með þann áfanga í lífi mínu og eyddi ég 4 árum í það nám með samning, síðan ætla ég að taka meistarann næsta vor og þá verður það mín haskólagráða í hársnyrtiiðn, ég er ekki þessi háskólamanneskja, í fyrsta lagi hef ég ekki tíma þessa stundina í það og síðan þarf ég að koma mér út á vinnumarkaðinn eftir að strákurinn fer á leikskóla,ég væri alveg til í að fara í háskóla, en ég er ekki viss um að það henti mér? Finnst frábært þegar að fólk fer og menntar sig og er það hið besta mál, en mér finnst samt að fólk megi ekki tapa sér í því að vera snobbað og þurfa að eignast allt og vera á flottasta bílnum og eiga flottasta símann og margt annað þvíumlíkt. Blaðamaðurinn kom með nokkuð gott komment um þjónustustörf, en það er oft litið niður á fólk sem að vinnur ýmis þjónustustörf og hef ég sjálf unnið nokkur svoleiðis um ævina, til dæmis ef að það væri enginn að vinna í búðinni, hvaðan fengjum við þá matinn okkar?, ef að ruslakarlarnir kæmu ekki til að taka ruslið, þá væri ruslið út um allt, og maður færi nú ekki mikið út að borða ef að enginn væri að afgreiða mann eða að elda matinn oní mann og eru þetta allt vanmetin þjónustustörf að mínu mati, og einnig eru ráðherrar ríkisins í þjónustustörfum, spáið aðeins í því! Ég held að við íslendingar ættum að líta vel í eigin barm og hugsa okkur um hvort að við höfum nokkuð efni á því að vera svona rosalega snobbuð, því að margur heldur mig sig.

 

 

En í léttari nótur, það er allt að gerast hjá okkur og er verið að skipta um gluggana í svefnherbergjunum núna og gengur það glimrandi vel, Friðrik er hress og kátur með lífið og er hann rosa duglegur að borða og veltist út um allt gólf og fer að styttast í það að hann fari að skríða bráðum, fékk mér endurvinnslutunnuna í gær og er um að gera að fara að endurvinna núna og hugsa aðeins um hana móðir jörð, kostar skít og ekkert á mánuði og er þetta hið besta mál, mæli síðan með því að fólk horfi á live earth á skjáeinum og taki þátt í því að bjarga jörðinni okkar og gróðursetji nokkur tré og svoleiðis, ok er kominn í einhverja bölvaða vitleysu hérna ætla að hætta núna og fara að gera eitthvað skemmtilegt, bið að heilsa, kveðja Rannslan.

Já það er nú aldeilis að gula geitin ætlar að skína þessa dagana á okkur LOKSINS segi ég nú bara, maður var kominn með ógeð á rigningu og skítaveðri og er alsæll með lífið og tilveruna þegar að sólin skín, þó að rokið mætti nú samt vera minna en samt er þetta nú í lagi. Við erum enn í því að gera við hitt og þetta í húsinu og var skipt um þak 1, 2 olg 10 um helgina hjá okkur enda hópur vana manna að hjálpa okkur og þakka ég þeim kærlega fyrir það, ekki amalegt að eiga svona góða að. Um helgina og á næstu dögum verður farið í að skipta um alla, já alla gluggana í húsinu og getur maður þá loksins farið að sjá almennilega út um alla glugga og opnað öll lausafög! En annars er ekkert annað í fréttum hjá okkur nema að við Friðrik erum búin að vera hálfgerðir flóttamenn heima hjá okkur þar sem að búið er að vera að berja allt þakið sundur og saman og fór ég á náttfötunum og berfætt í inniskóm með hann í kerrunni sinni til ömmu Stellu og afa Bjarna á sunnudagsmorguninn kl átta, leið eins og eins og að ég væri að flýja, frekar fyndin sjón, En ég kveð í bili hef ekkert meira að segja í sólinni bið að heilsa, kveðja Rannslan.

Ja hérna hér, það er allt búið að vera kolcrazy að gera hjá okkur skötuhjúunum undanfarna daga erum við búin að vera að stinga upp og gróðursetja og gera garðinn flottann, og vá þvílíkur munur á garðinum, það var ekkert í honum þannig að við þurftum að bretta hendur fram úr ermum og spýta í lófana, skruppum í sandgerði um daginn með mömmu og pabba og versluðum fullt af trjám og það sem við erum búin að vera að gera er:

Stinga niður í grasið, stinga því síðan upp, moka mold, grafa milljón holur, vera í kafi í hrossaskít, bera hænsnaskít á trén, fá MIKIÐ af mold og moka hana til, moka steina á hjólbörur og gera göngustíg og setja meðfram húsinu, gróðursetja um 80 tré sem að heita hreggstaðavíðir, gróðursetja 5 keisaraaspir, gróðursetja eitt birkitré, sópa, bera á allt, vökva allt, rífa upp snúrustaurana og margt fleira skemmtilegt!

Já eins og sjá má er búið að vera BRJÁLAÐ að gera hjá okkur og er litli kúturinn okkar búinn að gera sig heimakæran hjá ömmu Stellu og eru þau búin að brallarast mikið saman undanfarna daga og er hún alveg búin að redda okkur með hann, en hann er líka búinn að sofa bara á tröppunum hjá okkur ef að maður þarf bara að gera eitthvað lítið. En við erum bara fyndin útlits ég og Gummi erum bara brún frá hálsi og upp, bara fyndið! En ætla að fara að slaka á núna og glápa á imbann, erum búin að vera í um 7-10 tíma í senn í garðinum og verða næstu dagar vonandi rólegri og ætla ég að að eyða sem mestum tíma með manninum og syninum næstu dagana.  En bið að heilsa kveðja Garðálfurinn.

18 ágúst here i come! Jæja þá er mín búin að skrá sig í 10 km í glitnishlaupinu á menningarnótt og er mín farin að spýta í lófana og farin að hlaupa og að labba mun meira en ég gerði og er að reyna að byggja upp þol til að geta hlaupip 10 km, shitturinn titturinn það er eins gott að maður slasi sig ekki eða verði veikur þangað til því að þá fer allt til helv...., en jú jú gömlu góðu harðsperrurnar eru komnar og eru meira að segja mættar í vöðva sem ég bæði vissi ekki að væru til og sem að eru löngu laggstir í dvala! En ég held að þetta sé nú alveg ágætt að gera þetta, þá kemst maður í form og hefur markmið, hundurinn þarf einmitt að grennast smá í viðbót og er hann hlaupafélaginn minn og erum við bæði frekar þreytt þegar að við erum komin heim á leið, en ef að þið sjáið gellu hlaupa og jafnvel syngjandi og er með þennan líka flotta beagle hund sér við hlið, þá er það engin önnur en Rannslan að koma sér í form fyrir hlaupið, með þessum orðum kveð ég bið að heilsa kveðja Running with dog!

Ok ég gefst upp það eru komnar yfir 100 heimsóknir í dag og EKKERT já ég endurtek EKKERT komment! En ég ætla samt að blogga þó svo að þið séuð letidýr, að undanskildum þeim sem að kommentuðu á fyrra bloggið mitt, takk fyrir það! (það er nóg að segja bara hæ)

EN ég hef nú ekkert mikið að segja það er ekki margt sem að ég hef verið að brallarast undanfarið því að tími minn hefur farið í þetta síðustu daga og gerir örugglega næstu daga og vikur:

1: Ala upp son minn, gefa honum að borða, klæða hann og svæfa hann, baða hann og fara í okkar daglegu göngutúra, og auðvitað leika við hann, mér finnst fátt skemmtilegra hann er að uppgötva svo margt núna!

2: Sinna manninum mínum, gefa honum að borða og margt annað skemmtilegt (förum ekkert nánar út í þá sálma)

3: Gefa hundinum og viðra hann.

4: Elda og þvo þvott (er það ekki tilgangurinn í því að vera húsmóðir)

5: þrífa, bendi á nr 4.

6. Kíkja á netið annað slagið og blogga kannski.

7: Mæta á heimaleiki í fótbolta hjá manninum með soninn.

8: Slappa af fyrir framan imbann (sjónvarpsglápið hefur minnkað til muna)

9: reyna að losna við síðustu aukakílóin (gengur ekkert alltof vel)

10: Sofa, fæ mun meiri svefn núna en fyrir 2 mánuðum!

 

Já ég held það nú bara það er ekkert svaðalegt að gerast hjá okkur þessa dagana og þegar maður fer út á meðal fólks að þá talar maður bara um soninn og hvað maður er stolt af honum! (allir ábyggilega komnir með ógeð á því og mér er alveg sama um það hann er ÆÐI!) En annars höfum við litla familían það fínt þessa dagana og ætla ég að láta þetta gott heita, kveð í bili Rannslan

OK án djóks er ekki að nenna að blogga eins og vitleysingur og fá engin komment, ég sé að það er alltaf fullt af fólki að kíkja á síðuna og enginn kommentar er hætt þangað til að ég fæ að minnsta kosti 15 komment eða svo! Bless!

Skellti mér á dansiball í Festi í gær með kjellinum og góðra vina hóp pg O MY GOD hvað voru margir á ballinu!, ég held barasta að ég hafi aldrei séð svona mikið af fólki í Festi. Litli kútur var hjá ömmu Stellu og afa Bjarna yfir nótt og var það fyrsta næturpössunin og gekk það líka svona glimrandi vel og svaf hann vel og var góður, en mín fór nú samt edrú á ballið ef að hann skyldi allt í einu verða brjál og myndi vilja fá mömmu sína til að svæfa sig. En annars var alveg ágætt á ballinu svolítið mikið af fólki og gat maður ekki dansað mikið og vorum við mest á röltinu og að spjalla við fólk og var það bara fínt. Landsleikurinn gekk vel með kútakút og svaf hann í hálftíma í svefnpokanum í fanginu á mér og síðan í hálfleik fórum við í v.i.p stúku og hann fékk sér muffins og kleinur og var síðan orðinn frekar pirraður þegar að það voru 15 mín eftir af leiknum en ég kalla hann góðan því að hann sat bara og horfði annars á leikinn. EN mest lítið að frétta af okkur erum bara búin að vera heima í afslöppun í dag enda er veðrið ekki uppá marga fiska, manni finnst bara eiginlega vera hálfgert haustveður! Kveð í bili, Tjúttarinn.